Yawancin mutanen Sweden suna so a hana kona Kur’ani
Kamfanin dillancin labaran Anatolia ya bayar da rahoton cewa, a wani bincike da cibiyar bincike ta "Sifo" ta gudanar a kasar Sweden, kashi 51 na al'ummar kasar na son hana kona kur'ani da sauran littafai masu tsarki.
Bisa ga wannan binciken, adadin wadanda suka goyi bayan kona littafai masu tsarki a cikin tsarin ‘yancin fadin albarkacin baki ya kai kashi 34 cikin dari.
Cibiyar bincike ta "Sifo" ta sanar da cewa an shirya wannan binciken ne bisa ga hirar da aka yi da mutane 1,370 a ranakun 14-16 ga Maris.
Kona kur'ani mai tsarki da shugaban jam'iyyar masu tsattsauran ra'ayi na kasar Denmark Rasmus Paludan ya yi, ya janyo asarar kudin kasar Sweden Naira miliyan 88.
Turkiyya da kasashen musulmi da dama sun yi Allah-wadai da matakin tsokanar wannan dan siyasa da kuma matakin da gwamnatin kasar Sweden ta dauka na cin mutuncin masu tsarki da sunan 'yancin fadin albarkacin baki.
